Səbət 0
Müqayisə siyahısı 0 İstək siyahısı 0
Menyu
Ünvan: 28 May metrosu, Süleyman Rüstəm küç. 15F
28 May metrosu, Süleyman Rüstəm küç. 15F
Bayram günləri istisna:
Be-Ş: 09:00 - 19:00
B: qeyri-iş günü


Daxili nömrə: 100
"Sədərək" Ticarət Mərkəzi. Şirniyyat bazarı.
Bayram günləri istisna:
Be-B: 09:00 - 17:00


Daxili nömrə: 300
28 May metrosu, Süleyman Rüstəm küç. 18
Əlaqə nömrələrimiz: +994 (51) 226 26 63 +994 (12) 310 86 80
Bayram günləri istisna:
Be-Ş: 09:00 - 19:00
B: qeyri-iş günü


Daxili nömrə: 200

Wi-fi siqnal gücləndirici nədir?

Wi-fi siqnal gücləndirici nədir?

Wi-Fi siqnal gücləndiricilər haqqında məlumatlar

Zəif Wi-Fi siqnalı probleminizi həll edə biləcək, Wi-Fi siqnal gücləndiricilər haqqında bilməyiniz gərəkən maraqlı məlumatları bir yerə toplayıb Sizə təqdim edirik.

Müasir dövrdə naqilsiz internetdən istifadə edən cihazların sayı gündən-günə və dayanmadan artmaqdadır. Ağıllı telefonlar, planşetlər, oyun konsolları, Smart TV-lərin istifadəsi səbəbindən sürətli və stabil internet bağlantısı heç olmadığı qədər vacib bir tələbat halına çevrilsə də, istifadə etdiyimiz modem və ya router evimizin, yaxud ofisimizin hər nöqtəsinə Wi-Fi siqnalını çatdırmaya bilər. Buna təsir edə biləcək səbəblər isə çoxdur: Cihazın mənzildə yerləşmə mövqeyi, cihazın əhatə dairəsindən daha geniş ərazilərin mövcudluğu, mənzilin sahəsi, mərtəbələrin sayı, divarların sayı, divarların qalınlığı, şəbəkənin (siqnalın) yayılmasına əngəl olan digər əşyalar və s.

Wi-Fi siqnal gücləndiricilər zəif Wi-Fi siqnalı problemini həll edə bilər. Bəs, Wi-Fi Range Extender adlandırılan bu cihazlar nədir, necə quraşdırılır, siqnal gücləndirici aldıqda hansı cəhətlərinə diqqət etmək lazımdır?

Wi-fi siqnal gücləndirici nədir?

Bu cihazlar internet siqnalını mənbəyindən (modem və ya router) qəbul edib, artıraraq (gücləndirərək) siqnalın zəif olduğu nöqtələrə yayan qurğulardır. Wi-Fi siqnal gücləndiricilər dizaynı, texniki xüsusiyyətlərinə görə bir-birindən fərqlənsə də təyinatları eyni olmaqla, mövcud Wi-Fi siqnalı gücləndirib, siqnalın çata bilmədiyi və ya zəif olduğu ərazilərə ötürməkdən ibarətdir.

Məsələn, modeminiz zaldadır, arxa (dib) otaqlarda isə Wi-Fi siqnalı çox zəif olur və ya ümumiyyətlə olmur. Bu halda Siz arxa otaqlar ilə zal arasında Wi-Fi siqnal gücləndirici quraşdırmaqla bu probleminizi həll edə bilərsiniz.

Əsas məsələlərdən biri cihazın doğru yerdə (mövqedə) quraşdırılmasıdır. Wi-Fi siqnal gücləndiricilərini internet şəbəkəsi siqnalının heç olmadığı bir yerə quraşdırmaq Sizə arzuladığınız nəticəni verməyəcək. Yaxşı nəticə əldə etmək üçün Wi-Fi siqnal gücləndiricini şəbəkənin mənbəyi (modem və ya router) ilə şəbəkənin (siqnalın) çox zəif olduğu ərazinin arasında quraşdırmaq lazımdır.

Wi-fi siqnal gücləndirici necə quraşdırılır?

İstifadə üçün ən sadə və sürətli quraşdırılma üsulu WPS vasitəsilə həyata keçirir.  Hal-hazırda satışda olan bütün modem və ya routerlər WPS funksiyasını dəstəkləyir. Belə ki, modemin və ya routerin üzərində olan WPS butonu (düyməsi) ilə eyni anda Wi-Fi siqnal gücləndirici üzərində olan WPS butonuna basaraq heç bir əlavə funksionallıq tələb olunmadan cihazları əlaqələndirə bilərsiniz. Əlavə funksionallıq istəyən şəxslər isə Wi-Fi siqnal gücləndirici cihazının istifadəçi panelinə daxil olmaqla başqa funksionallıqları da daxil edə bilər.

Wi-fi siqnal gücləndirici alarkən nələrə diqqət etmək lazımdır?

Wi-Fi siqnal gücləndirici modellərinə nəzər yetirdikdə, xüsusiyyətlərinə və qiymətlərinə görə seçim edə biləcəyimiz bir çox fərqli modellərlə qarşılaşa bilərik.

Məsələn, sadəcə 49 AZN-ə TP-LİNK TL-WA850RE modelini ala biləcəyiniz kimi, 150 AZN civarında olan TP-LİNK RE450  modelini də tərcih edə bilərsiniz.

Əsasən cərəyan mənbəyinə taxılaraq istifadə edilən bu cihazlar xarici görünüşünə, dizaynına, antenalarının sayına və gücünə görə bir-birindən fərqlənirlər. Məsələn, RE450 modeli istiqamətləri dəyişdirilə bilən 3 ədəd güclü antenaya sahibdir. Bəzi modellərdə isə istiqamətləri dəyişdirilməyən iki antena mövcuddur. Əgər kiçik ölçülü bir evdə siqnal problemi yaşayırsınızsa RE450 modeli əvəzinə daha aşağı büdcəli bir model ala bilərsiniz. Lakin daha geniş ərazi üçün şəbəkə problemini həll etmək istəyirsinizsə, funksionallığı daha çox olan RE450 modeli köməyinizə çata bilər.

Texniki parametrlərə baxdıqda isə naqilsiz internet sürəti fərqləri nəzərə çarpır. Belə ki, 300 Mbps-dən 1750 Mbps arasında dəyişən internet sürəti fərqləri mövcuddur. Bu sürətlərin fərqli olması cihazın Sizə verdiyi internetin sürətində də fərqlər yaradacaqdır.

Texniki parametrlər arasında digər önəmli məqam isə diapazon fərqidir. Belə ki, iki diapazonlu məhsullar vasitəsi ilə həm 2.4 GHz, həm də 5 GHz diapazonunda Wi-Fi şəbəkələrinə qoşula bilərsiniz. Hal-hazırda 2.4 GHz diapazonundan daha çax istifadə olunduğu üçün 5 GHz diapazonu daha stabil və sürətli internet təminatı verə bilir.

Şirkətimiz tərəfindən satışı həyata keçirilirən Wi-Fi siqnal gücləndiriciləri ilə saytımızın müvafiq səhifəsinə daxil olaraq tanış ola bilərsiniz. Əlavə olaraq bildiririk ki, AEM Elektron mağazalar şəbəkəsi Tp-link brendinin Azərbaycanda Rəsmi Distribüteridir və satılan Tp-link məhsullarına 1 il rəsmi istehsalçı zəmanəti verir.

AEM Elektron, .
Şərh