Dayə kamerası nədir?
Aktiv iş rejimində çalışan valideynlərin uşaqlarına baxmaq üçün dayə olaraq peşəkar bir işçinin xidmətlərindən istifadə etməsi hamıya məlumdur. Lakin istənilən şəraitdə evdə olmadığımız zaman uşağımızın təhlükəsizliyi üçün narahat qalırıq. Belə hallarda dayə kameraları köməyimizə çatmaq üçün ən yaxşı vasitə hesab oluna bilər.
Körpələrimizi qorumaq və özümüzü rahat hiss etmək üçün “dayə kameraları”, “uşaq kameraları” adı altında satılan məhsullar bu mövzuda bizə çox kömək edə bilər. Əksər dünya ölkələrində bu növ məhsullardan geniş şəkildə istifadə olunur. Postsovet məkanında (rusdilli ölkələrədə) bu kameralar ”няня камера”, ingilisdilli ölkələrdə isə “nanny cam” kimi tanınır. Məhsulun texniki göstəricilərini bilməyən analar isə dayə nəzarət kameralarını “wifi kamera” adlandırır.
Dayə kamerası “gizli kameradır”?
Dayə kamerası olaraq satılan məhsullar standart nəzarət kameralardır. Belə ki, bu kameralar vasitəsi ilə nəinki körpələrinizə, hətta evinizə, ofisinizə və ya anbarınıza da uzaqdan nəzarət edə bilərsiniz.
Bir şeyi qeyd etmək istərdik ki, “dayə kamerası” olaraq satılan kameraların gizli olmasına ehtiyac yoxdur. Əksinə kameranın görünən bir yerdə olması dayəni uşağınıza qarşı daha diqqətli və məsuliyyətli olmağa məcbur edəcəkdir.
Bir dayənin övladınıza pis davranmasını təhlükəsizlik kamerası ilə sübut edə bilərsiniz, lakin bilməlisiniz ki, bunun uşağınızın zərər görmüş psixologiyasına heç bir faydası toxunmayacaqdır. Odur ki, dayə seçimində dayənin şəxsi keyfiyyətləri barədə daha diqqətli olun.
Dayə kameralarının xüsusiyyətləri aşağıdakı kimidir:
- HD vəya Full HD çəkiliş.
- SD kart ilə görüntüləri istədiyiniz zaman yenidən izləyə bilərsiniz.
- App Store vəya Play Storedən yüklədiyiniz program vasitəsi ilə kameranın arxasında olan barcod-u scan edirsiniz və istədiyiniz yerdən mobil telefon vasitəsi ilə canlı olaraq övladınızı izləyə bilərsiniz.
- İki tərəfli səs ötürmə funksiyası ilə övladınız sizin səsinizi, siz isə övladınızın səsini eşidəcəksiniz.
