Dahua Technology Co., Ltd (Dahua şirkəti) video yönümlü intellektual İOT (İnternet of Things) üçün dünyanın aparıcı məhsullar və xidmətlər təchizatçısıdır. Texnoloji yeniliklərlə ayaqlaşan Dahua şirkəti istehlakçılara dəyər verərək onlara hərtərəfli təhlükəsizlik sistemləri və xidmətləri təklif edir.
Təhlükəsizlik sistemləri üzrə dünya bazarında ikinci ən böyük paya sahib olan Dahua şirkətinin 180-dən çox ölkədə distribüteri mövcuddur. Şirkətin 16000-dən çox işçi heyəti vardır ki, onların da 50%-dən çoxu bilavasitə araşdırma və inkişaf (R & D) bölməsində çalışan alim, mühəndis və digər mütəxəssislərdir. 2002-ci ildə özünün ilk 8 kanallı rəqəmsal DVR-larını (Digital Video Recorder) buraxdıqdan sonra Dahua şirkəti özünü texnoloji yeniliklərə həsr etmişdir. Araşdırma və inkişafa (R & D) öz yatırımlarını daim artıran Şirkət illik satış gəlirinin təxminən 10%-ni bu məqsədlərə investisiya edir. 2100-dən çox patentə sahib olan Dahua şirkəti video texnologiyaların yeni xüsusiyyətlərini tədqiq etməklə yanaşı, artıq peşəkar dronlar, robot texnikası və s. sahələrdə də öz işlərini uğurla davam etdirir.
Müştərilərinə daha əlçatan olmaq məqsədi ilə Dahua şirkəti Çində 200-dən çox əyalət ofisini, həmçinin Avropa, Şimali Amerika, Afrika, Asiya-Sakit okean və digər regionları əhatə edən 54 xarici filial və nümayəndəliyini qurmuşdur. Dahua məhsulları dövlət təhlükəsizliyi, yol hərəkəti, bankçılıq və maliyyə, pərakəndə satış, energetika və s. bu kimi mühüm sahələrdə geniş istifadə olunur. Rio Olimpiadası, Hançjou (Hangzhou) şəhərindəki G-20 Sammiti, 28-ci və 29-cu ASEAN Sammitləri, Braziliyanın Resifi şəhər Metropoliteni və s. bu kimi həyata keçirilmiş iri miqyaslı layihələrdə Dahua şirkətinin məhsul və xidmətlərindən istifadə edilmişdir.