Şirkət sərgidə Hikvision, Ruijie & Reyee, TP-Link və Voltam brendlərinin müasir həllərini nümayiş etdirdi
KOBİA və Marsol Group-un birgə təşkilatçılığı ilə 17–20 iyun tarixlərində Bakı Ekspo Mərkəzində keçirilən 7-ci Yerli Şirkətlərin Tanıtım Sərgisində AEM Elektron şirkəti innovativ məhsul və həlləri ilə iştirak edib.
Sərgi çərçivəsində AEM Elektron təhlükəsizlik sistemləri, videomüşahidə, şəbəkə infrastrukturu və enerji həlləri sahəsində təqdim etdiyi məhsul və texnologiyaları nümayiş etdirib. Şirkətin stendində Hikvision, Ruijie & Reyee, TP-Link və Voltam brendlərinin müasir həlləri ziyarətçilərin böyük marağına səbəb olub.
Dörd gün davam edən sərgi ərzində AEM Elektron-un stendi yüzlərlə sahibkar, korporativ müştəri və texnologiya mütəxəssisi tərəfindən ziyarət edilib. Şirkət nümayəndələri iştirakçılara videomüşahidə sistemləri, şəbəkə həlləri, Wi-Fi infrastrukturu, enerji təminatı və ağıllı texnologiyalar sahəsində təqdim olunan məhsullar barədə ətraflı məlumat verib, yeni əməkdaşlıq imkanlarını müzakirə ediblər.
Sərgidə iştirak AEM Elektron üçün mövcud tərəfdaşlarla əlaqələrin möhkəmləndirilməsi, yeni biznes əlaqələrinin qurulması və müasir texnologiyaların daha geniş auditoriyaya təqdim edilməsi baxımından mühüm əhəmiyyət daşıyıb.
AEM Elektron gələcəkdə də ölkədə keçirilən ixtisaslaşmış sərgilərdə və biznes platformalarında aktiv iştirak etməklə, müştərilərinə dünya standartlarına uyğun innovativ həllər təqdim etməyə davam edəcək.
