AEM Elektron şirkətində ustalar üçün xüsusi tədbir keçirildi
02.10.2025-ci il tarixində AEM Elektron şirkətində ustalar üçün xüsusi görüş təşkil olundu. Tədbir çərçivəsində iştirakçılara yeni hazırlanan «AEM Usta» mobil tətbiqi təqdim edildi. Ustalar tətbiqin funksiyaları, istifadə qaydaları və gələcək yenilikləri barədə ətraflı məlumatlandırıldılar. Eyni zamanda, iştirakçılardan təklif və iradlar toplanaraq, növbəti yeniləmələrdə nəzərə alınacağı bildirildi.
Tədbirin növbəti hissəsində ustalar HIKVISION, TP-Link, Ruijie & Reyee brendlərinə məxsus müxtəlif məhsullar, onların proqram təminatı və yeni funksiyaları ilə tanış oldular. Müxtəlif avadanlıqların texniki xüsusiyyətləri və istifadəsi barədə canlı təqdimatlar keçirildi.
Fasilə zamanı iştirakçılar kofe süfrəsi arxasında səmimi müzakirələr apararaq, bir-birləri ilə təcrübə mübadiləsi etdilər. Sonda isə tədbirdə iştirak edən hər bir ustaya xüsusi hədiyyələr təqdim olundu.
AEM Elektron gələcəkdə də ustalar üçün bu kimi faydalı görüşlərin davam etdirilməsini planlaşdırır.
