Şəbəkə texnologiyalarında ilk addım: OCNA Routing & Switching
AEM Elektron şirkətində Omada markasının təqdim etdiyi OCNA Routing and Switching kursunun ilk dərsi keçirildi. Bu proqram Cisco-nun beynəlxalq CCNA standartına bənzəyən, lakin Omada avadanlığı üzərində ixtisaslaşmış şəbəkə texnologiyaları üzrə fundamental bilikləri öyrədən sertifikasiya proqramıdır.
OCNA (Omada Certified Network Associate) — mühəndislər və IT mütəxəssisləri üçün nəzərdə tutulmuş peşəkar kursdur. Kurs iştirakçılara marşrutlaşdırma, kommutasiya, VLAN-lar, şəbəkə təhlükəsizliyi və Omada şəbəkə avadanlığının idarə olunması sahəsində dərin biliklər verir.
Kurs zamanı iştirakçılar aşağıdakı mövzuları öyrənirlər:
- Şəbəkə əsasları (OSI modeli, IPv4/IPv6, DNS, DHCP)
- Marşrutlaşdırma və kommutasiya protokolları (VLAN, STP, OSPF)
- Omada avadanlıqlarının konfiqurasiyası və idarə olunması
- Təhlükəsizlik və ACL-lər
- Real şəbəkə ssenariləri üzrə praktiki tapşırıqlar
İlk dərsdə AEM Elektron şirkətinin təcrübəli mühəndis və IT mütəxəssisləri ilə yanaşı, digər şirkətlərdən olan peşəkar texniki heyət də iştirak edirdi. Bu, kursun daha interaktiv və praktiki yönümlü keçməsinə imkan yaratdı. Müxtəlif şirkətlərdən gələn iştirakçılar arasında təcrübə mübadiləsi aparıldı, real iş mühitindən nümunələr müzakirə olundu və şəbəkə sahəsində qarşılıqlı öyrənmə mühiti formalaşdı.
Aşağıdakı qalereyada kursdan fotolarla tanış ola bilərsiniz: iştirakçıların dərs prosesindən, avadanlıqla işləməsindən və təlim mühitindən görüntülər.
Növbəti günlərdə kurs davam edəcək. Kursun sonunda iştirakçılar sertifikasiya imtahanında iştirak edəcək və uğurla keçdikdən sonra rəsmi OCNA sertifikatı ilə təltif olunacaqlar.
Bütün iştirakçılara uğurlar və peşəkar inkişaflarında daha yüksək zirvələr arzulayırıq!
