Beynəlxalq brendlərlə işləmək, ezamiyyətlərə getmək və real biznes proseslərinin içində olmaq istəyirsiniz?
İT və təhlükəsizlik texnologiyaları sahəsində karyera qurmaq istəyən gənc mütəxəssislər üçün əla fürsət!
Biz Brend menecer axtarırıq.
Şirkət haqqında məlumat
2008-ci ildə yaradılmış “AEM ELEKTRON” MMC videomüşahidə və təhlükəsizlik sistemlərinin, şəbəkə avadanlıqlarının, kompüter aksesuarlarının və aparıcı dünya istehsalçılarının digər İT məhsullarının topdan və pərakəndə satışı üzrə ixtisaslaşmış çoxprofilli distribütor şirkətdir.
Qısa müddət ərzində şirkət stabil inkişaf etmiş və bu gün Azərbaycanda rəsmi distribütoru və dileri olduğumuz beynəlxalq brendlərin sayı 15-ə çatmışdır. Beynəlxalq tərəfdaşlıqlar, güclü satış şəbəkəsi və peşəkar komanda sayəsində şirkət bazarda etibarlı mövqe tutur.
Vəzifənin məqsədi
Brend menecer şirkətin brend portfelinə daxil olan beynəlxalq və yerli brendlərin strateji idarə olunmasına, bazarda yerləşdirilməsinə və inkişafına cavabdeh olacaq. Vəzifə aktiv kommunikasiya, təqdimatların keçirilməsi və beynəlxalq tərəfdaşlarla birbaşa işləməyi nəzərdə tutduğu üçün xarici dilləri yüksək səviyyədə bilmək məcburi tələbdir.
Əsas vəzifə öhdəlikləri
- Brendlər üzrə qısamüddətli və uzunmüddətli strateji planların hazırlanması və icrası
- Brendlərin bazarda yerləşdirilməsi və kommunikasiya strategiyasının formalaşdırılması
- Beynəlxalq istehsalçılar və tərəfdaşlarla ingilis dilində aktiv yazışmalar və görüşlərin keçirilməsi
- Yeni məhsulların bazara çıxarılması və təqdimatların hazırlanması
- Marketinq kampaniyalarının planlaşdırılması və icrasına nəzarət
- Satış şöbəsi ilə koordinasiyalı iş
- Bazar və rəqiblərin təhlilinin aparılması
- Brendlər üzrə hesabatların və təqdimat materiallarının hazırlanması
Namizədə tələblər
- Marketinq, biznesin idarə olunması, İT və ya oxşar ixtisas üzrə ali təhsil
- Brend menecment və ya marketinq sahəsində minimum 2–3 il iş təcrübəsi
- Dil bilikləri:
- Azərbaycan dili — sərbəst
- İngilis dili — yüksək səviyyə (yazılı və şifahi)
- Rus dili — yüksək səviyyə (yazılı və şifahi)
- Analitik və strateji düşünmə qabiliyyəti
- Güclü təqdimat, yazılı və şifahi kommunikasiya bacarıqları
- Texnologiyalar və İT məhsulları sahəsinə maraq və ya təcrübə üstünlük sayılır
Biz təklif edirik
- Beynəlxalq brendlərlə birbaşa işləmək imkanı
- Stabil və inkişaf edən şirkətdə uzunmüddətli karyera perspektivləri
- Peşəkar inkişaf və real qərarvermə proseslərində iştirak
- Rəqabətədavamlı əməkhaqqı və motivasiyaedici iş mühiti
- Şəhər mərkəzində ofis + 5 günlük iş qrafiki
Maraqlanan namizədlərdən xahiş olunur CV-lərini mövzu hissəsində «Brend menecer» qeyd etməklə hr@aem-elektron.az e-mail ünvanına göndərsinlər.